თბილისის ჰუმანიტარული სასწავლო უნივერსიტეტი - გალერეა
ავტორიზაცია

სტუდენტის კაბინეტი

პროფესორის კაბინეტი

 
 
მე-8 საერთაშორისო სტომატოლოგიური კონგრესი

მე-8 საერთაშორისო სტომატოლოგიური კონგრესი

თბილისის ჰუმანიტარული უნივერსიტეტის ჯანდაცვის ფაკულტეტის სტუდენტები დაესწრნენ მე-8 საერთაშორისო სტომატოლოგიურ კონგრესს,რომელიც ჩატარდა 27-28 აპრილს სასტუმრო “Courtyard Marriott”-ში. კონგრესზე სტომატოლოგიის დარგში არსებული ბევრი საინტერესო თემა იქნა განხილული. Студенты факульета «Здравоохранения» Тбилисского Гуманитарного Университета посетили 8-ой Международный Стоматологический Конгресс,который провелся 27-28 апреля в гостинице «Courtyard Marriott”.

 
2018 წლის 22 აპრილს გაიმართა ახალგაზრდა სტომატოლოგთა ფორუმი

2018 წლის 22 აპრილს გაიმართა ახალგაზრდა სტომატოლოგთა ფორუმი

2018 წლის 22 აპრილს, სასტუმრო "იოტა ჰოთელში" თბილისის მე-8 საერთაშორისო სტომატოლოგიური კონგრესის “Radix”-ს ახალგაზრდა სტომატოლოგთა ფორუმი გაიმართა. სადაც მონაწილეობა მიიგო თბილისის ჰუმანიტარულ უნივერისტეტის ჯანდაცვის ფაკულტეტის სტუდენტმა - თამუნა მენთეშაშვილმა. 22 апреля 2018 года в гостинице « Иота Хотель» провелся форум молодых стоматологов в рамках 8-го международного стоматологического конгресса “Radix”. В котором приняла участие студентка факультета Здравоохранения Тбилисского Гуманитарного Университета - Тамуна Ментешашвили.

 
სილქნეტის წარმომადგენლის შეხვედრა თჰუს სტუდენტებთან

სილქნეტის წარმომადგენლის შეხვედრა თჰუს სტუდენტებთან

2018 წლის 10 მარტს სს "სილქნეტის" ადამიანური რესურსების დეპარტამენტის წარმომადგენელი, ნანა თვალაბეიშვილი ჩვენი უნივერსიტეტის სტუდენტებს შეხვდა, შეხვედრა ეხებოდა დასაქმების პერსპექტივებს და საკვალიფიკაციო მოთხოვნებს.

 
თჰუსა და თბილისის სააპელაციო სასამართლოს შორის გაფორმდა ურთიერთთანამშრომლობის მემორანდუმი

თჰუსა და თბილისის სააპელაციო სასამართლოს შორის გაფორმდა ურთიერთთანამშრომლობის მემორანდუმი

თბილისის ჰუმანიტარულ სასწავლო უნივერსიტეტსა და თბილისის სააპელაციო სასამართლოს შორის ურთიერთთანამშრომლობის მემორანდუმი გაფორმდა. თანამშრომლობის მემორანდუმს ხელი მოაწერეს უნივერსიტეტის პრორექტორმა კახი ყურაშვილმა და თბილისის სააპელაციო სასამართლოს მენეჯერმა ვანო ბოლქვაძემ. მემორანდუმის მიზანია სასამართლოსა და უნივერსიტეტს შორის თანამშრომლობის გაღრმავება და სტუდენტების პრაქტიკული უნარ-ჩვევების განვითარება, რაც ხელს შეუწყობს სტუდენტთა სწავლების ხარისხის ამაღლებას.

 
თჰუ წარმომადგენლობამ მონაწილეობა მიიღო კერძო უმაღლესი სასწავლებლების პირველ (დამფუძნებელი) კონფერენციაზე

თჰუ წარმომადგენლობამ მონაწილეობა მიიღო კერძო უმაღლესი სასწავლებლების პირველ (დამფუძნებელი) კონფერენციაზე

2018 წლის 2 მარტს, თჰუ წარმომადგენლობამ მონაწილეობა მიიღო კერძო უმაღლესი სასწავლებლების პირველ (დამფუძნებელი) კონფერენციაზე. სადაც განხილულ იქნა ასოციაციის ადმინისტრაციის ანგარიში გაწეული საქმიანობის შესახებ. დელეგატებმა ასოციაციის პრიორიტეტებსა და სამომავლო საქმიანობაზე ისაუბრეს, ასევე დამტკიცდა ასოციაციის ვიცე-პრეზიდენტი და საბჭოს წევრები.

 
სტუდენტთა სამეცნიერო კონფერენცია თჰუში!

სტუდენტთა სამეცნიერო კონფერენცია თჰუში!

2017 წლის 23 დეკემბერს თბილისის სასწავლო ჰუმანიტარულ უნივერსიტეტში ჩატარდა ჯანდაცვის ფაკულტეტის სტუდენტთა სამეცნიერო კონფერენცია “მედიცინის აქტუალური საკითხები”. კონფერენციაში მონაწილეობდნენ I-V კურსის სტუდენტები. ყველა მონაწილე დაჯილდოვდა სერტიფიკატით. გამარჯვებულს გადაეცა საჩუქარი...

 
თჰუს დეკანის სამუშაო ვიზიტი გერმანიაში

თჰუს დეკანის სამუშაო ვიზიტი გერმანიაში

2017 წლის 3-დან 10 დეკემბრის ჩათვლით, გერმანიას სამუშაო ვიზიტით სტუმრობდა ქართველ ლექტორთა და საქართველოს საგანმანათლებლო სისტემაში დასაქმებულ პირთა ჯგუფი: ეკონომიკის დოქტორი, პროფესორი ნონა გელიტაშვილი - თბილისის ჰუმანიტარული სასწავლო უნივერსიტეტის ეკონომიკის, ბიზნესისა და მენეჯმენტის ფაკულტეტის დეკანი, სამართლის დოქტორი, პროფესორი გოჩა ოჩიგავა, თამარ გიორგიბიანი - საქართველოს საერთაშორისო სასაწავლო უნივერსიტეტის ხარისხის მართვის სამსახურის უფროსი, და თამარ კერძაია - საქართველოს საერთაშორისო სასაწავლო უნივერსიტეტის ასისტენტ - პროფესორი, ადვოკატი. დიუსელდორფის, კოილნისა და დუისბურგ-ესსენის სახელმწიფო უნივერსიტეტებში ოფიციალურ შეხვედრებს ორგანიზება გაუწიეს განათლებისა და სამეცნიერო ინფორმაციის საერთაშორისო ცენტრმა (დიუსელდორფი) და აღნიშნული ცენტრის წარმომადგენელმა საქართველოში - გოჩა ოჩიგავამ. ზემოაღნიშნული უნივერსიტეტების ბაზაზე გაიმართა საინტერესო შეხვედრები პროფესორ-მასწავლებლებთან, სხვადასხვა განყოფილების წარმომადგენლებთან, სტუდენტურ თვითმმართველობებთან. დელეგაციის წევრებს საშუალება მიეცათ, დასწრებოდნენ სიმპოზიუმს დუისბურგ-ესსენის უნივერსიტეტში „ელექტრონული საინფორმაციო ტექნოლოგიებისა და დისტანციური სწავლების უახლესი მიდგომების შესახებ“, ასევე გაცნობოდნენ კერძო უმაღლესი სასწავლებლის - ეკონომიკისა და მენეჯმენტის უმაღლესი სკოლის (ესსენი) მუშაობის სპეციფიკასა და იმ საერთაშორისო საგანმანათლებლო პროექტებს, რომლებსაც ეს უნივერსიტეტი ახორციელებს. ვიზიტის მთავარი მიზანი იყო უმაღლესი სასწავლებლების ხარისხის მენეჯმენტის სპეციფიკის გაცნობა, ასევე სწავლისა და სწავლების, თვითშეფასებისა და სტუდენტთა ცოდნის შეფასების კუთხით, გერმანულ საგანმანათლებლო სივრცეში დანერგილ ინოვაციურ მიდგომებზე ინფორმაციის მიღება და ამავე მიმართულებით ქართულ და გერმანულ უმაღლეს სასწავლებლებს შორის თანამშრომლობის გაღრმავება. ხელი მოეწერა რამდენიმე შეთანხმებას, რაც გერმანულ უნივერსიტეტებთან თანამშრომლობის დაწყების შესაძლებლობას იძლევა. პროექტის ყველა მონაწილეს გადაეცა სერთიფიკატები, მათ საშუალება მიეცათ პრეზენტაციის სახით წარმოედგინათ საკუთარი უნივერსიტეტები.

 
თჰუ სტუდენტები საკონსტიტუციო სასამართლოში

თჰუ სტუდენტები საკონსტიტუციო სასამართლოში

2017 წლის 15 დეკემბერს თბილისის ჰუმანიტარული სასწავლო უნივერსიტეტის სტუდენტები საქართველოს საკონსტიტუციო სასამართლოს ეწვივნენ. სტუდენტები გაეცნენ სასამართლოს უახლესი გადაწყვეტილებების პრაქტიკას და დაათვალიერეს საქართველოს საკონსტიტუციო სასამართლოს შენობა.

 
საქართველოს ნოტარიუსთა პალატასა და თჰუს შორის ურთიერთანამშრომლობის მემორანდუმი გაფორმდა!

საქართველოს ნოტარიუსთა პალატასა და თჰუს შორის ურთიერთანამშრომლობის მემორანდუმი გაფორმდა!

საქართველოს ნოტარიუსთა პალატასა და თბილისის ჰუმანიტარულ სასწავლო უნივერსიტეტს შორის ურთიერთანამშრომლობის მემორანდუმი გაფორმდა. მემორანდუმს ნოტარიუსთა პალატის თავმჯდომარემ მარიკა გოგოლაძემ და ჰუმანიტარული სასწავლო უნივერსიტეტის რექტორის მოადგილემ მაკა კაჭარავამ მოაწერეს ხელი. მემორანდუმის ხელმოწერას ნოტარიუსთა პალატის გამგეობის წევრებიც ესწრებოდნენ. თანამშრომლობა მიზნად ისახავს სტუდენტებისთვის ხარისხიანი იურიდიული განათლების მიღებაში დახმარებას, ლექცია-სემინარების ჩატარებას, ნოტარიუსთა პალატასა და სანოტარო ბიუროებში პრაქტიკულ სწავლებას.

1 2 3 4
 
სასარგებლო ბმულები