ავტორიზაცია

სტუდენტის კაბინეტი

პროფესორის კაბინეტი

განცხადებები
 
სიახლეები
 
ეკონომიკის, ბიზნესისა და მართვის ფაკულტეტის დეკანის - პროფ. ნონა გელიტაშვილის მონაწილეობა ვიადრინას ევროპული უნივერსიტეტის ონლაინ ვორკშოპში - „დროის მენეჯმენტი და თვითმენეჯმენტი მეცნიერებაში“

ეკონომიკის, ბიზნესისა და მართვის ფაკულტეტის დეკანის - პროფ. ნონა გელიტაშვილის მონაწილეობა ვიადრინას ევროპული უნივერსიტეტის ონლაინ ვორკშოპში - „დროის მენეჯმენტი და თვითმენეჯმენტი მეცნიერებაში“

25 და 26 ივნისს, ეკონომიკის, ბიზნესისა და მართვის ფაკულტეტის დეკანმა - პროფ. ნონა გელიტაშვილმა მონაწილეობა მიიღო ვიადრინას ევროპული უნივერსიტეტის (ფრანკფურტ ოდერი, გერმანია) კვალიფიკაციის ამაღლების ცენტრის (Viadrina Center for Graduate Studies at Europa-Universität Viadrina) მიერ გამართულ ონლაინ ვორკშოპში, თემაზე: „დროის მენეჯმენტი და თვითმენეჯმენტი მეცნიერებაში“. აღნიშულ ღონისძიებაზე პროფ. ნონა გელიტაშვილი მიწვეული გახლდათ, როგორც ვიადრინას ევროპული უნივერსიტეტის კვლევითი პროექტის მონაწილე. ვორკშოპში მონაწილეობდნენ აგრეთვე ფრანკფურტისა და ბერლინის უნივერსიტეტების ახალგაზრდა მეცნიერები და მკვლევარები. ვორკშოპი წარიმართა დისკუსიისა და ჯგუფური მუშაობის ფორმატში. ვორკშოპის ფარგლებში გამართულმა შეხვედრებმა შესაძლებლობა მისცა პროფ. ნონა გელიტაშვილს, გაეფართოვებინა ეკონომიკის, ბიზნესისა და მართვის ფაკულტეტის საერთაშორისო თანამშრომლობის არეალი, ასევე გაემდიდრებინა ცოდნა სამეცნიერო კვლევების ორგანიზების მიმართულებით. ვიადრინას კვალიფიკაციის ამაღლების ცენტრის მიერ დაგეგმილია კიდევ რამდენიმე ონლაინ შეხვედრა, რომლებიც მიეძღვნება ვორშკოპებზე მიღებული ცოდნის პრაქტიკაში დანერგვისა და სამეცნიერო საქმიანობის ეფექტიანობის შეფასების განხილვას.

 
ბრძანება - თჰუ შენობაში  პირბადის ტარების წესის დარღვევის თაობაზე

ბრძანება - თჰუ შენობაში პირბადის ტარების წესის დარღვევის თაობაზე

თბილისის ჰუმანიტარული სასწავლო უნივერსიტეტის წესდების მე–9 მუხლისა და თბილისის ჰუმანიტარული სასწავლო უნივერსიტეტის დებულების მე–10 მუხლის შესაბამისად და საქართველოს ადმინისტრაციულ სამართალდარღვევათა კოდექსის 4211 -მუხლის შესაბამისად ვბრძანებ: 1. სავალდებულოა თჰუ შენობაში (დახურულ სივრცეში) მყოფი პირებისათვის პირბადის ტარება; 2. იმ შემთხვევაში, თუ თჰუ როგორც იურიდიული პირი დაჯარიმდება ამ ბრძანებით განსაზღვრული წესის დარღვევისათვის თანამშრომელთა მიერ პირბადის ტარების წესის დარღვევის გამო, ჯარიმის საფასური დაექვითება კანონის დამრღვევ თანამშრომელს ხელფასიდან; 3. აღნიშნული ბრძანებით გათვალისწინებული წესი გავრცელდეს თბილისის ჰუმანიტარულ სასწავლო უნივერსიტეტთან შრომით ურთიერთობაში მყოფ პირებზე; 4. დაევალოს თჰუ ადამიანური რესურსების სამსახურს აღნინშული ბრძანებით გათვალსიწინებული წესების გაცნობა თჰუ პერსონალისთვის; 5. ბრძანება შეიძლება გასაჩივრდეს საქართველოს კანონმდებლობით დადგენილი წესით, 1 თვის ვადაში ქ. თბილისის საქალაქო სასამართლოში; 6. კონტროლი აღნიშნული ბრძანების შესრულებაზე დაევალოს თჰუ იურიდიული სამსახურის უფროსს (ნ.დუდაშვილი); 7. აღნიშნული ბრძანება გამოქვეყნდეს თჰუ ოფიციალურ ვებ–გვერდზე. ვალენტინა საყვარელიძე რექტორი – აკადემიური საბჭოს თავმჯდომარე

 
სტუდენტთა ონლაინ სამეცნიერო კონფერენცია სამართლის ფაკულტეტზე

სტუდენტთა ონლაინ სამეცნიერო კონფერენცია სამართლის ფაკულტეტზე

თბილისის ჰუმანიტარული სასწავლო უნივერსიტეტის სამართლის ფაკულტეტის ორგანიზებით 2020 წლის 10 ივლისს 12 საათზე გაიმართება პირველი სტუდენტური ონლაინ სამეცნიერო კონფერენცია თემაზე „სამართლის აქტუალური საკითხები პანდემიის პირობებში“. კონფერენცია მიზნად ისახავს სტუდენტთა შორის სამართლებრივ-ანალიტიკური აზროვნების ჩამოყალიბებასა და განვითარებას, სტუდენტები შეძლებენ სამართლის აქტუალური საკითხების სხვადასხვა კუთხით წარმოჩენას, მოახდენენ პრაქტიკული და კოლიზიური საკითხების სიღრმისეულ განხილვასა და ანალიზს. კონფერენცია ემსახურება სტუდენტთა სამართლებრივი ცნობიერების ამაღლებას, წარმატებული სტუდენტების გამოვლენასა და წახალისებას. კონფერენციაში მონაწილეობის მიღება შეუძლიათ საქართველოს აკრედიტირებული ყველა უმაღლესი სასწავლებლის ბაკალავრიატისა და მაგისტრატურის სამართლის საგანმანათლებლო პროგრამის სტუდენტებს.

 
მასტერკლასი ბიზნესში

მასტერკლასი ბიზნესში

2020 წლის 3 ივლისს, 18:00 საათზე, ეკონომიკის, ბიზნესისა და მართვის ფაკულტეტი გიწვევთ ბიზნესის მასტერკლასზე დასასწრებად Zoom-ში. მასტერკლასს წარუძღვება სამშენებლო და სარემონტო კომპანია შპს „ექშენმენ“–ის დამფუძნებელი და დირექტორი, არასამთავრობო ორგანიზაცია „ეკონომიკის მაგისტრთა კლუბი“-ს პრეზიდენტი – ჯონი სამხარაძე. თჰუ-ს სტუდენტებს და სხვა დაინტერესებულ პირებს მასტერკლასზე დასწრება შეუძლიათ შემდეგი ბმულის მეშვეობით: https://us04web.zoom.us/j/5438009045?pwd=VFQwZEJQYXpLQlo3MlJCUkVpSDl0dz09

 
საჯარო ლექცია თემაზე:  „ინფლაციის თარგეთირება და ფასების სტაბილურობა“

საჯარო ლექცია თემაზე: „ინფლაციის თარგეთირება და ფასების სტაბილურობა“

2020 წლის 12 ივნისს, ეკონომიკის, ბიზნესისა და მართვის ფაკულტეტის ორგანიზებით, გაიმართა საჯარო ლექცია თემაზე: „ინფლაციის თარგეთირება და ფასების სტაბილურობა“. ლექციას უძღვებოდა საქართველოს ეროვნული ბანკის მაკროეკონომიკური კვლევების განყოფილების უფროსი, საერთაშორისო სავალუტო ფონდის ტექნიკური მრჩეველი - შალვა მხატრიშვილი. მომხსენებელმა ისაუბრა ფასების სტაბილურობის მნიშვნელობაზე და ცენტრალური ბანკის მონეტარული პოლიტიკის ინსტრუმენტებზე. ვინაიდან საქართველოს ეროვნული ბანკი იყენებს ინფლაციის თარგეთირების რეჟიმს, ლოგიკურია იმის განხილვა, ინფლაციის თარგეთირება მართლაც სხვა ალტერნატივებზე უფრო ეფექტური რეჟიმია ფასების სტაბილურობის უზრუნველსაყოფად თუ არა. სწორედ ამ საკითხის განხილვას მიეძღვნა აღნიშნული საჯარო ლექცია, მომხსენებელმა მსმენელებს გაუზიარა სხვა ქვეყნების გამოცდილებაც, რამაც განსაკუთრებული ინტერესი გამოიწვია. საჯარო ლექცია გაიმართა ონლაინ რეჟიმში Zoom-ის პლატფორმის გამოყენებით. ლექციას ესწრებოდნენ თჰუ-ს სტუდენტები, პროფესორ-მასწავლებლები და სხვა დაინტერესებული პირები. ლექცია წარიმართა ინტერაქტიულ რეჟიმში, ლექციის მეორე ნაწილი მთლიანად დაეთმო შეკითხვებს და დისკუსიას.

 
საჯარო ლექცია თემაზე - „საქართველოს სახელმწიფო საზღვრის სამართლებრივი, გეოგრაფიული და პოლიტიკური ასპექტები (XX საუკუნე)“

საჯარო ლექცია თემაზე - „საქართველოს სახელმწიფო საზღვრის სამართლებრივი, გეოგრაფიული და პოლიტიკური ასპექტები (XX საუკუნე)“

2020 წლის 11 ივნისს თბილისის ჰუმანიტარული სასწავლო უნივერსიტეტის სამართლის ფაკულტეტზე საგანმანათლებლო პროექტის „უწყვეტი განათლება“ ფარგლებში ჩატარდა ონლაინ საჯარო ლექცია თემაზე: - „საქართველოს სახელმწიფო საზღვრის სამართლებრივი, გეოგრაფიული და პოლიტიკური ასპექტები (XX საუკუნე)“. ლექციას უძღვებოდა სამართლის დოქტორი, პროფესორი მანანა ხვედელიძე. ონლაინ ლექციამ დიდი ინტერესი გამოიწვია სტუდენტებში, მათი მხრიდან გამოითქვა სურვილი მომდევნო საჯარო ლექცია მიეძღვნას დავით გარეჯის საზღვრის დელიმიტაციის პროცესს. ონლაინ შეხვედრა ნაყოფიერი აღმოჩნდა მსმენელთათვის.

 
პროექტი - დავიცვათ საქართველოს სისუფთავე

პროექტი - დავიცვათ საქართველოს სისუფთავე

კავკასიის გარემოსდაცვითი არასამთავრობო ორგანიზაციების ქსელი (CENN), წარმოგიდგენთ პროექტს: „დავიცვათ საქართველოს სისუფთავე“. საქართველოს ბუნების მკვლევართა კავშირი „ორქისი“, შვედეთის მთავრობის ფინანსური უზრუნველყოფით, პროექტის „დავიცვათ საქართველოს სისუფთავე“ ფარგლებში, აცხადებს ესსეების კონკურსს თემაზე ნარჩენების მართვა, რომელიც მიზნად ისახავს, ახალგაზრდების თვალით დანახული, გარემოს დაცვის საკითხების და მდგრადი განვითარების მიზნების პოპულარიზაციას და მათი ჩართულობის გაზრდას. კონკურსში მონაწილეობის მიღება შეუძლიათ უმაღლესი სასწავლებლების სტუდენტებს. ესსეების წარმოდგენის ბოლო ვადაა 2020 წლის 5 ივლისი, 18:00 საათი და უნდა შეადგენდეს 5-7 გვერდს. კონკურსის ფარგლებში გამოვლინდება 1 გამარჯვებული, რომელსაც გადაეცემა ფულადი პრიზი 500 ლარი. პატივისცემით, სტუდენტთა მხარდაჭერისა და კარიერული განვითარების სამსახური

 
სტუდენტური კონფერენცია 2020

სტუდენტური კონფერენცია 2020

სტუდენტური ონლაინ კონფერენცია თემაზე: „ეკონომიკისა და ბიზნესის პრობლემები და გამოწვევები კოვიდ პანდემიის ფონზე“ კონფერენციაში მონაწილეობის მიღება შეუძლიათ ბაკალავრიატის საფეხურის ყველა კურსის სტუდენტს, რომელიც დაინტერესებულია ადგილობრივი და საერთაშორისო ეკონომიკისა და ბიზნესის სფეროში აქტუალური პრობლემების/გამოწვევების შესწავლითა და კრიტიკული ანალიზით, აგრეთვე არსებული ტენდენციებისა და სამომავლო პერსპექტივების გამოვლენის საკითხებით. კონფერენცია ჩატარდება 2020 წლის 7 ივლისს კონფერენციის სამუშაო ენაა: ქართული და რუსული სრული ტექსტი: 4-6გვერდი (თავფურცელის ჩათვლით); შრიფტი: Sylfaen; ხაზებს შორის დაშორება -1.5; შრიფტის ზომა-12 არჩეული თემის ავტორები კონფერენციაზე წარადგენენ მაქსიმუმ 15 წუთიან პრეზენტაციას. თითოეული გამომსვლელის შემდეგ გაიმართება დისკუსია განხილული თემის გარშემო. კონფერენციის ბოლოს, ჟიურის მიერ აირჩევა 3 საუკეთესო მომხსენებელი, რომლებიც დასაჩუქრდებიან სიმბოლური საჩუქრებით. ყველა მონაწილეს გადაეცემა სერთიფიკატი. მონაწილეობის მსურველებმა გთხოვთ შეავსოთ აპლიკაცია: https://docs.google.com/forms/d/e/1FAIpQLScn0L7CViXl82JsWD2LbJpVtVmxPToXwQ75nY8i1wznv61dzg/viewform Студенческая онлайн конференция на тему: „Проблемы и вызовы экономики и бизнеса на фоне пандемии коронавируса“ В конференции могут принять участие студенты всех курсов бакалавриата, которые заинтересованы в изучении и критическом анализе проблем местной и международной экономики и бизнеса, а также в выявлении существующих тенденций и перспектив на будущее. Конференция состоится 7 июля 2020 г. Рабочие языки конференции: грузинский и русский Полный текст: 4-6 страниц (включая обложку); Шрифт: Sylfaen; Расстояние между линиями -1,5; Размер шрифта -12 Авторы выбранных тем представят 15-минутную презентацию на конференции. После каждого доклада будут дискуссии вокруг обсуждаемой темы. В конце конференции жюри будет выбирать трёх лучших участников, которые будут награждены символическими подарками. Все участники будут награждены сертификатами. Желающие принять участие, пожалуйста, заполните заявку: https://docs.google.com/forms/d/e/1FAIpQLScn0L7CViXl82JsWD2LbJpVtVmxPToXwQ75nY8i1wznv61dzg/viewform

 
საჯარო ლექცია თემაზე - „საქართველოს სახელმწიფო საზღვრის სამართლებრივი, გეოგრაფიული და პოლიტიკური ასპექტები (XX საუკუნე)“

საჯარო ლექცია თემაზე - „საქართველოს სახელმწიფო საზღვრის სამართლებრივი, გეოგრაფიული და პოლიტიკური ასპექტები (XX საუკუნე)“

2020 წლის 11 ივნისს 16 საათზე თბილისის ჰუმანიტარული სასწავლო უნივერსიტეტის სამართლის ფაკულტეტის ორგანიზებით ჩატარდება ონლაინ საჯარო ლექცია თემაზე - „საქართველოს სახელმწიფო საზღვრის სამართლებრივი, გეოგრაფიული და პოლიტიკური ასპექტები (XX საუკუნე)“. საჯარო ლექციას დისტანციურ რეჟიმში წარუძღვება სამართლის დოქტორი, პროფესორი მანანა ხვედელიძე. საჯარო ლექცია განკუთვნილია იურიდიული ფაკულტეტის ბაკალავრიატისა და მაგისტრატურის სტუდენტებისათვის. დასწრება თავისუფალია. საჯარო ლექცია გაიმართება Zoom-ის პლატფორმის გამოყენებით, ლექციაზე დასწრება შესაძლებელია შემდეგი ბმულის მეშვეობით: https://us04web.zoom.us/j/76462486605?pwd=Vi9lQVNaUndIR00weld0REQxMDFOQT09 პაროლი: 7zU2b0

1 2 3 4 5 6 7 8 9 10 >>
 
სასარგებლო ბმულები