სტუდენტის კაბინეტი
პროფესორის კაბინეტი
04.07.2020
2020 წლის 3 ივლისს, ეკონომიკის, ბიზნესისა და მართვის ფაკულტეტის ორგანიზებით, ჩატარდა ბიზნესის მასტერკლასი Zoom-ში
2020 წლის 3 ივლისს, ეკონომიკის, ბიზნესისა და მართვის ფაკულტეტის ორგანიზებით, ჩატარდა ბიზნესის მასტერკლასი Zoom-ში.
მასტერკლასს უძღვებოდა სამშენებლო და სარემონტო კომპანია შპს „ექშენმენ“–ის დამფუძნებელი და დირექტორი, არასამთავრობო ორგანიზაცია „ეკონომიკის მაგისტრთა კლუბი“-ს პრეზიდენტი – ჯონი სამხარაძე. მან აუდიტორიას გაუზიარა საკუთარი გამოცდილება, ისაუბრა, თუ როგორი იყო მისი პირველი ნაბიჯები ბიზნესის დასაწყებად, რა იყო ძირითადი მამოტივირებელი ფაქტორი საკუთარი ბიზნესის დასაწყებად, რა გამოწვევებთან მოუწია გამკლავება საწყის პერიოდში.
მასტერკლასის ფორმატიდან გამომდინარე, მოწვეულმა სტუმარმა რჩევები მისცა დამწყებ ბიზნესმენებს იმასთან დაკავშირებით, თუ როგორ უნდა შეინარჩუნო მოტივაცია რთულ პერიოდებში, როგორ მოვიძიოთ იდეები მომავალი ბიზნესისთვის, როგორ გამოვიყენოთ პოტენციური მომხმარებლებისგან მიღებული ინფორმაცია "სრულყოფილი" პროდუქტის ან მომსახურების შესაქმნელად, ასევე ის, თუ როგორ განვსაზღვროთ საბაზრო ნიშა და როგორ შევაფასოთ სწორად ახალი ბიზნესის პოტენციური ბაზარი.
შეხვედრა წარიმართა ინტერაქტიულ რეჟიმში, სტუდენტებმა და სხვა დამსწრე პირებმა დასვეს კითვები როგორც მასტერკლასის მსვლელობის პროცესში, ასევე შეხვედრის ბოლოს. მთლიანობაში შეხვედრა გაგრძელდება დაახლოებით 2 სთ-ის განმავლობაში. მასტერკლასმა განსაკუთრებული ინტერესი გამოიწვია ბიზნესის ადმინისტრირების პროგრამის სტუდენტების მხრიდან. მათ გამოთქვეს სურვილი, რომ მომავალში კვლავ მოვიწვიოთ ჯონი სამხარაძე, ამჯერად უკვე საუნივერსიტეტო სივრცეში, რათა დაინტერესებულ ჯგუფებს შესაძლებლობა მიეცეთ, უშუალო კომუნიკაციის დახმარებით, უფრო მეტი ინფორმაცია მიიღონ ბიზნესის რეალური გამოწვევების შესახებ.
მსგავსი სიახლეები
07.03.2019
თჰუ სტუდენტური თვითმმართველობის ინიციატივით 2019 წლის 20 მარტს 15 საათზე გაიმართება ინტელექტუალური თამაში
თჰუ სტუდენტური თვითმმართველობის ინიციატივით 2019 წლის 20 მარტს 15 საათზე გაიმართება ინტელექტუალური თამაში...
ვრცლად
07.05.2020
ონლაინ საჯარო ლექცია თემაზე: დანაშაული, როგორც ნორმალური, აუცილებელი და სასარგებლო მოვლენა
2020 წლის 15 მაისს 17:00 სთ-ზე თბილისის ჰუმანიტარული სასწავლო უნივერსიტეტ...
ვრცლად
30.05.2024
უნივერსიტეტის ელექტრონული საბიბლიოთეკო რესურსების გამოყენების თაობაზე
თბილისის ჰუმანიტარული სასწავლო უნივერსიტეტის ორგანიზებით მიმდინარე წლის 16 მაისს ჩატარდა ტრენინგი - უნივერსიტეტის ელექტრონული საბიბლიოთეკო რესურსების გამოყენების თაობა...
ვრცლად