თჰუ-სა და აისეკ საქართველოს შორის 2016 წლის 12 სექტემბერს 13:00 საათზე დაიდება პარტნიორული შეთანხმება

თბილისის ჰუმანიტარულ სასწავლო უნივერსიტეტსა და აისეკ საქართველოს შორის 2016 წლის 12 სექტემბერს 13:00 საათზე დაიდება პარტნიორული შეთანხმება, რომლის საფუძველზეც, უნივერსიტეტი ჩაერთვება აისეკ საქართველოს წევრი საგანმანათლებლო დაწესებულებებისა და საერთაშორისო ორგანიზაციების გლობალურ ქსელში; აისეკ საქართველო უზრუნველყოფს თბილისის ჰუმანიტარული სასწავლო უნივერსიტეტის სტუდენტების საერთაშორისო სტაჟირების პროგრამებში ჩართვას, კერძოდ, საშუალებას მისცემს უნივერსიტეტის 10 საუკეთესო სტუდენტს საფასურის გადახდის გარეშე მონაწილეობა მიიღოს აისეკის ნებისმიერ გაცვლით პროგრამაში. 

აისეკის თაობაზე მეტი ინფორმაციის მისაღებად, გადადით ლინკზე: WWW.AIESEC.ORG