ონლაინ საერთაშორისო სამეცნიერო დისკუსია - საზოგადოებათა სამართლის ადგილი სამართლის სისტემაში

„სამართლის მეცნიერთა კავშირი“ და საერთაშორისო სამეცნიერო ჟურნალი ‘სამართლის მაცნე“ გიწვევთ სამართლის დარგის მეცნიერებს და მკვლევარებს ონლაინ საერთაშორისო სამეცნიერო დისკუსიაზე  „საზოგადოებათა სამართლის ადგილი სამართლის სისტემაში“.

ღონისძიება გაიმართება 2021 წლის 19 თებერვალს, 17:00 ზე, ზუმის პლატფორმით. გერმანულ – ქართული თარგმანი უზრუნველყოფილი იქნება.

მომხსენებელები:

• პროფესორი კარსტენ შეფერი (გერმანია)
• პროფესორი როინ მიგრიაული (საქართველო)

პროფესორი კარსტენ შეფერი 2002 წლიდან დღემდე გახლავთ  მანჰეიმის უნივერსიტეტის სამოქალაქო  სამართლის და საკორპორაციო სამართლის კათედრის გამგე. ის გახლავთ მრავალი სამეცნიერო ნაშრომის ავტორი. იგი არის ავტორი წიგნისა საზოგადოებათა სამართალი, რომელიც 2019 წელს ქართულ ენაზე თარგმნა პროფესორმა როინ მიგრიაულმა.

ბატონი როინ მიგრიაული გახლავთ  სამართლის მეცნიერთა კავშირის წევრი, სამართლის დოქტორი, საადვოკატო ბიურო „მიგრიაული და პარტნიორების“ დამფუძნებელი და მმართველი პარტნიორი. ბატონი როინი არის მრავალი სამეცნიერო პუბლიკაციის ავტორი.

მოხსენებების შემდეგ გაიმართება დისკუსია.

დისკუსია გაიმართება საპილოტე პროექტ „ონლაინ სამეცნიერო დისკუსიების“ ფარგლებში.

შეხვედრის სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის და ჟურნალ „სამართლის მაცნეს“ ვებ-გვერდებზე.

დისკუსიაში მონაწილეობის მსურველები შეგიძლიათ დარეგისტრირდეთ 17 თებერვლის ჩათვლით აქ განთავსებულ სარეგისტრაციო ბმულზე  და გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას დისკუსიაში.