2021 წლის 19 აპრილს, ეკონომიკის, ბიზნესისა და მართვის ფაკულტეტის ორგანიზებით, ჩატარდა ონლაინ ვებინარი, Online პლატფორმა ZOOM-ის გამოყენებით

2021 წლის 19 აპრილს, ეკონომიკის, ბიზნესისა და მართვის ფაკულტეტის ორგანიზებით, ჩატარდა ონლაინ ვებინარი, Online პლატფორმა ZOOM-ის გამოყენებით.

ვებინარს უძღვებოდა დავით პიტიურიშვილი, რომელსაც აქვს 8 წლიანი სამუშაო გამოცდილება სხვადასხვა ფინანსურ სექტორში, მათ შორის 3 წელია იკავებს მენეჯერულ პოზიციებს; ჩატარებული აქვს რამდენიმე ათეული ტრენინგი სხვადასხვა კერძო და საჯარო სექტორში; 2017 წლიდან არის აფილირებული ასისტენტ - პროფესორი, სულხან-საბა ორბელიანის უნივერსიტეტში; 2020 წლიდან მუშაობს სსიპ სააგენტო „აწარმოე საქართველოში“ ფრონტ ოფისის ხელმძღვანელის პოზიციაზე; მიღებული აქვს დოქტორის ხარისხი ფინანსებში.

ვებინარის მიზანი გახლდათ, სტუდენტებისთვის CV-ის და სამოტივაციო წერილის შედგენის თანამედროვე და გააზრებული მიდგომების განვითარება და დახმარება გასაუბრების დროს საკუთარი თავის ეფექტურად წარმოჩენის უნარ-ჩვევების შეძენაში.

ვებინარის შედეგად მონაწილეებმა შეიძინეს კომპეტენციები, თუ როგორ შეადგინონ ეფექტური CV და სამოტივაციო წერილი, თუ როგორია ტიპიური შეცდომები CV-ის და სამოტივაციო წერილის შედგენისას და მათი გამოსწორების ხერხები; შეისწავლეს სამუშაოს მოძებნის და გასაუბრებისთვის მომზადების ტექნიკები, ასევე ძირითადი კითხვები გასაუბრების დროს დამსაქმებლის და სამუშაოს მაძიებლის მიერ.

ვებინარის ხანგრძლივობა იყო 2 საათი. ის  წარიმართა ინტერაქტიულ რეჟიმში, სტუდენტებმა და სხვა დამსწრე პირებმა დასვეს კითხვები როგორც ვებინარის მსვლელობის პროცესში, ასევე შეხვედრის ბოლოს. გარდა ამისა, საკმაოდ დიდი ინტერესი გამოიწვია დავალებებმა, რომლებიც ემსახურებოდა ვებინარის მიზნების მიღწევას.