პროფ. ნონა გელიტაშვილის მონაწილეობა საერთაშორისო სამეცნიერო კვირეულში

ეკონომიკის, ბიზნესისა და მართვის ფაკულტეტის დეკანმა - პროფ. ნონა გელიტაშვილმა 2022 წლის  20 ივნისიდან 24 ივნისამდე მონაწილეობა მიიღო  ცვიკაუს გამოყენებითი მეცნიერებების უნივერსიტეტის (გერმანია) და DAAD-ს ერთობლივ სამეცნიერო კვირეულში თემაზე: „საერთაშორისო სამეცნიერო ქსელების ფორმირება “ (DAAD Alumni-Woche „WHZ - International“ - Bildung internationaler Netzwerke).

აღნიშნული ღონისძიების ფარგლებში, პროფ. ნონა გელიტაშვილს შესაძლებლობა ჰქონდა დასწრებოდა პროფესიული და მეთოდური უნარების განვითარებაზე ორიენტირებულ სემინარებს ბიზნესის, მენეჯმენტისა და კომპიუტერული მეცნიერებების სფეროში. კვალიფიკაციის ამაღლების კონცეფციის გარდა, გათვალისწინებული იყო კონტაქტების დამყარება სხვადასხვა უნივერსიტეტებთან საერთაშორისო პროექტების განხორციელების მიზნით, აგრეთვე ადგილობრივ საწარმოებში ვიზიტი.