ავტორიზაცია

სტუდენტის კაბინეტი

პროფესორის კაბინეტი

 
 
ფარმაკოლოგიისა და ტოქსიკოლოგიის საერთაშორისო კონფერენცია ”ფარმაკოლოგია და ტოქსიკოლოგია ვირტუალური 2020”

ფარმაკოლოგიისა და ტოქსიკოლოგიის საერთაშორისო კონფერენცია ”ფარმაკოლოგია და ტოქსიკოლოგია ვირტუალური 2020”

თბილისის ჰუმანიტარული სასწავლო უნივერსიტეტის ასოცირებული პროფესორი მარინე შავლაყაძე და სტუდენტი თეონა კაპანაძე უნივერსიტეტის დაფინანსების ფარგლებში დაესწრნენ ფარმაკოლოგიისა და ტოქსიკოლოგიის საერთაშორისო კონფერენციას ”ფარმაკოლოგია და ტოქსიკოლოგია ვირტუალური 2020”.

 
გენოციდის კვირეული თბილისის ჰუმანიტარულ სასწავლო უნივერსიტეტში

გენოციდის კვირეული თბილისის ჰუმანიტარულ სასწავლო უნივერსიტეტში

2020 წლის პირველ დეკემბერს, თბილისის ჰუმანიტარული სასწავლო უნივერსიტეტის სამართლის ფაკულტეტის ორგანიზებით ჩატარდა ონლაინ-საჯარო ლექცია, რომელსაც უძღვებოდა სამოქალაქო განათლების ცენტრის დამფუძნებული, გენოციდის ჰოლოკოსტისა და შეიარაღებული კონფლიქტების სასწავლო ცენტრის ხელმძღვანელი ბაქარ მაცაბერიძე. საჯარო ლექცია, „გენოციდი,-The Crime of Crimes“, ძირითადად მოიცავდა საერთაშორისო დანაშაულის ისტორიული განვითარების ეტაპებს, მათ შორის, პირველ და მეორე მსოფლიო ომის დროს ოსმალეთის იმპერიისა და ნაცისტური გერმანიის მიერ განხორციელებულ დანაშაულებრივ ქმედებებს, რუანდის გენოციდსა და სხვა არაერთ მნიშვნელოვან საკითხს. ონლაინ შეხვედრამ დიდი ინტერესი გამოიწვია მსმენელთა შორის, დასასრულს გაიმართა დისკუსია და ყველა მონაწილეს დაეგზვანა ორენოვანი სერტიფიკატი.

 
სტუდენტური ონლაინ კონფერენცია - უახლესი ტექნოლოგიები და სამკურნალო საშუალებები მედიცინაში

სტუდენტური ონლაინ კონფერენცია - უახლესი ტექნოლოგიები და სამკურნალო საშუალებები მედიცინაში

2020 წლის 26 ნოემბერს თბილისის ჰუმანიტარული სასწავლო უნივერსიტეტის ასოცირებული პროფესორის მარინე შავლაყაძის ორგანიზებით ჩატარდა სტუდენტური ონლაინ კონფერენცია „უახლესი ტექნოლოგიები და სამკურნალო საშუალებები მედიცინაში“.

 
საერთაშორისო ვებინარი - European Research Days 2020

საერთაშორისო ვებინარი - European Research Days 2020

თბილისის ჰუმანიტარული სასწავლო უნივერსიტეტის ასოცირებული პროფესორი მარინე შავლაყაძე დაესწრო საერთაშორისო ვებინარს "European Research Days 2020".

 
მოხსენება საერთაშორისო კონფერენციაზე

მოხსენება საერთაშორისო კონფერენციაზე

თბილისის ჰუმანიტრული სასწავლო უნივერსიტეტის ეკონომიკის, ბიზნესისა და მართვის ფაკულტეტის პროფესორები: აფილირებული ასოცირებული პროფესორი ირინა ბენია, აფილირებული ასისტენტ-პროფესორი თამარ საჯაია, ასოცირებული პროფესორი მაია მელაძე 20-22 ნოემბერს ვირტუალურად მონაწილეობდნენ ეკონომიკის, ბიზნესისა და ორგანიზაციის მესამე საერთაშორისო კონფერენციის (https://www.eborconference.com) მუშაობაში. კონფერენციაზე წარდგენილი იქნა მოხსენება თემაზე: „სოციალური მედიის ზეგავლენა ადგილის ბრენდინგზე: სოციალური მედიის გამოყენება შიდა ქართლის რეგიონში“ (The Impact of Social Media on Destination Branding: The Case of Using Social Media in Georgian Region Kvemo Kartli). ნაშრომი წარმოადგენს უნივერსიტეტის მიერ დაფინანსებული შიდა სამეცნიერო გრანტის ფარგლებში შესრულებული სამუშაოების შუალედურ შედეგს. ნაშრომმა მსმენელთა მოწონება დაიმსახურა. მომხსენებლებმა უპასუხეს შეკითხვებს. ნაშრომი დაიბეჭდება დეკემბერში.

 
ონლაინ ლექცია: საქართველოს სასტუმრო ინდუსტრიის პრობლემები და გამოწვევები პანდემიის ფონზე

ონლაინ ლექცია: საქართველოს სასტუმრო ინდუსტრიის პრობლემები და გამოწვევები პანდემიის ფონზე

2020 წლის 18 ნოემბერს, ოთხშაბათს, 18:00 საათზე, უნივერსიტეტის ეკონომიკის, ბიზნესისა და მართვის ფაკულტეტის ორგანიზებით ჩატარდა ონლაინ ლექცია: „საქართველოს სასტუმრო ინდუსტრიის პრობლემები და გამოწვევები პანდემიის ფონზე“. ლექცია ჩაატარა „სასტუმროებისა და რესტორნების ფედერაციის“ დამფუძნებელმა შალვა ალავერდაშვილმა ონლაინ პლატფორმა Google Meet-ის საშუალებით. შალვა ალავერდაშვილმა მიმოიხილა სასტუმრო ბიზნესის წინაშე არსებული პრობლემები და იმედი გამოთქვა, რომ პანდემიის დამარცხებისთანავე ინდუსტრია მოახერხებს ფეხზე დადგომას. შეხვედრა საინტერესოდ და დინამიურად მიმდინარეობდა. ონლაინ ლექციის მსვლელობისას შალვა ალავერდაშვილი პასუხობდა ლექციაზე დამსწრე სტუდენტებისა და პროფესორების შეკითხვებს. მან მზადყოფნა გამოხატა დაეხმაროს უნივერსიტეტს სასწავლო პროგრამების განვითარებასა თუ სტუდენტთა და კურსდამთავრებულთა დასაქმებაში.

 
ონლაინ ტრენინგი: როგორ შევქმნათ Scopus-ის, Web of Science-ის, Google Scholar-ის პროფილი

ონლაინ ტრენინგი: როგორ შევქმნათ Scopus-ის, Web of Science-ის, Google Scholar-ის პროფილი

2020 წლის 11 ნოემბერს, ოთხშაბათს, 21:00 საათზე, უნივერსიტეტის კვლევებისა და განვითარების ცენტრის ორგანიზებით ჩატარდა ონლაინ შეხვედრა აკადემიური პერსონალის სამეცნიერო-კვლევითი საქმიანობის შეფასების, პრობლემების გამოვლენისა და აღმოფხვრის მიზნით. შეხვედრას ესწრებოდნენ უნივერსიტეტის ყველა ფაკულტეტის წარმომადგენელი. განხილული იქნა სამეცნიერო-კვლევითი მუშაობის განვითარების შესაძლებლობები. პროფესორებს კიდევ ერთხელ მიეწოდათ ინფორმაცია, რომ უნივერსიტეტი მზად არის დაეხმაროს სამეცნიერო ნაშრომების გამოქვეყნებაში. პრაქტიკულ მაგალითებზე დაყრდნობით განხილული იქნა Scopus-ის, Web of Science-ის, Google Scholar-ისა და ResearchGate-ის პროფილის შექმნისა და გამოყენების თავისებურებები. შეხვედრისა და ტრენინგის მასალები ელფოსტის საშუალებით გაზიარებულია ყველა პროფესორ-მასწავლებელთან.

 
ონლაინ შეხვედრა ქვემო ქართლის ადგილობრივი თვითმმართველობის ორგანოებთან ურთიერთობის სამსახურის უფროს - ლევან ჟვანიასთან

ონლაინ შეხვედრა ქვემო ქართლის ადგილობრივი თვითმმართველობის ორგანოებთან ურთიერთობის სამსახურის უფროს - ლევან ჟვანიასთან

2020 წლის 4 ნოემბერს, ოთხშაბათს, 13:00 საათზე, თბილისის ჰუმანიტარული სასწავლო უნივერსიტეტის კვლევებისა და განვითარების ცენტრისა და ეკონომიკის, ბიზნესისა და მართვის ფაკულტეტის ორგანიზებით ჩატარდა ონლაინ შეხვედრა ქვემო ქართლის ადმინისტრაციის წარმომადგენელთან, ადგილობრივი თვითმმართველობის ორგანოებთან ურთიერთობის სამსახურის უფროს - ლევან ჟვანიასთან შეხვედრა ჩატარდა ონლაინ პლატფორმა Google Meet-ის მეშვეობით. უნივერსიტეტს ხანგრძლივი და ნაყოფიერი თანამშრომლობის ისტორია აქვს ქვემო ქართლის ადმინისტრაციასთან. ამჯერად შეხვედრის თემა იყო: პანდემიით გამოწვეული პრობლემები და გამოწვევები ქვემო ქართლის ბიზნესის და განსაკუთრებით ტურისტული ბიზნესისთვის. ლევან ჟვანიამ საინტერესოდ ისაუბრა ქვემო ქართლის ტურისტულ პოტენციალზე, პანდემიით გამოწვეულ პრობლემებზე, მიმდინარე და დაგეგმილ პროექტებზე; უპასუხა პროფესორებისა და სტუდენტების დასმულ შეკითხვებს, იმედი გამოთქვა, რომ თანამშრომლობა გაგრძელდება და შემდგომი შეხვედრა ქვემო ქართლის ტურისტულ ობიექტებზე შედგება.

 
ვებინარი თემაზე - მოტივაციის ძალა (თვით-განვითარების მნიშვნელობა)

ვებინარი თემაზე - მოტივაციის ძალა (თვით-განვითარების მნიშვნელობა)

2020 წლის 26 ოქტომბერს, თბილისის ჰუმანიტარული სასწავლო უნივერსიტეტის ეკონომიკის, ბიზნესისა და მართვის ფაკულტეტის ორგანიზებით, ჩატარდა საინტერესო, ეფექტური, მსმენელზე ორიენტირებული, ინტერაქტიული ვებინარი. თემა: "მოტივაციის ძალა" (თვით-განვითარების მნიშვნელობა) ვებინარს უძღვებოდა თამარ კანაშვილი - ტრენერთა ასოციაციის დამფუძნებელი და ხელმძღვანელი; 12+ წლიანი გამოცდილება ტრენინგ ინდუსტრიაში; 500+ ჩატარებული ტრენინგი, მენტორი, ლექტორი; 100-ამდე კომპანიასთან ტრენინგების ჩატარების გამოცდილება; სამოტივაციო წიგნის (" წიგნზე > ") ავტორი. კორონა ვირუსის გლობალური პანდემიის გამო, ვებინარი ჩატარდა დისტანციური ფორმით, ონლაინ რეჟიმში. ესწრებოდნენ უნივერსიტეტის სტუდენტები და აკადემიური პერსონალი. თამარ კანაშვილმა აუდიტორიას გაუზიარა საკუთარი გამოცდილება, ისაუბრა, რა გამოწვევებთან მოუწია გამკლავება და რომ, მთავარი მოტივაცია მაინც საკუთარ თავში უნდა ვეძებოთ, ჩვენს ფიქრებში, აზრებში, მოქმედებებში; ვიპოვოთ სწორი გზა; გვჯეროდეს საკუთარი თავის და ვაკეთოთ საქმე, რომელიც გვიყვარს. თემასთან დაკავშირებით გაიმართა დისკუსია, მონაწილეებმა გამოთქვეს საკუთარი მოსაზრებები.

1 2 3 4 5 6 7 8 9 10 >>
 
სასარგებლო ბმულები