ავტორიზაცია

სტუდენტის კაბინეტი

პროფესორის კაბინეტი

 
 
ახალგაზრდული  ფორუმი - ,,ადგილობრივი თვითმმართველობა სტუდენტებისთვის“ - მეორე დღე

ახალგაზრდული ფორუმი - ,,ადგილობრივი თვითმმართველობა სტუდენტებისთვის“ - მეორე დღე

➡ თბილისის მუნიციპლიტეტის საკრებულოს სპორტისა და ახალგაზრდულ საქმეთა კომისიის ინიციატივით, ათეა-სა და საქართველოს სტუდენტური ორგანიზაციების მხარდაჭერითა და ქალაქ ბათუმის მუნიციპლიტეტის მერიისა და სსიპ „ახალგაზდრობის რეგიონული ცენტრის“ ორგანიზებით, ბათუმში გამართული ორდღიანი ახალგაზრდული ფორუმი - ,,ადგილობრივი თვითმმართველობა სტუდენტებისთვის“ დასრულდა. ➡ შეხვედრის მეორე დღე სამუშაო რეჟიმში გაგრძელდა, სადაც დელეგატებმა და სტუდენტებმა მუნიციპალური სტუდენტური პროექტები და საუკეთესო პრაქტიკა განიხილეს. ღონისძიების დასასრულს კი, შემუშავდა ერთობლივი რეზოლუცია, რომელიც ფორუმის ორგანიზატორის, თბილისის საკრებულოს სპორტისა და ახალგაზრდულ საქმეთა კომიისიის თავმჯდომარის - გიორგი ჩაკვეტაძის განცხადებით, ხელისუფლების მხრიდან მაქსიმალურად იქნება მხარდაჭერილი და უზრუნველყოფილი. ➡ რეკომენდაციები სტუდენტებისა და ახალგაზრდების მუნიციპალიტეტების საქმიანობაში მაქსიმალურ ჩართულობას და მათ მხარდაჭერას გულისხმობს. დელეგეტებმა, ასევე, დაგეგმეს ცენტრალური პროექტი. რომელიც მომდევნო თვეების განმავლობაში კამპანიური ფორმატით განხორციელდება. ➡ ფორუმის ფარგლებში გამოკვეთილი საუკეთესო ინიციტივების შესახებ საქართველოს ადგილობრივ თვითმმართველობათა ეროვნული ასოციაციის აღმასრულებელი დირექტორის მოადგილემ - ნათია ღვინაშვილმაც ისაუბრა და აღნიშნა, რომ ათეა ყოველთვის დაუჭერს მხარს ადგილობრივ დონეზე ახალგაზრდული პოლიტიკის განხორციელებას. ➡ ღონისძიების მონაწილეებს, ასევე, მისასალმებელი სიტვით მიმართა საქართველოს პარლამენტის განათლების, მეცნიერებისა და კულტურის კომიტეტის თავმჯდომარემ. გენადი მარგველაშვილმა ფორუმის მნიშვნელობაზე ისაუბრა, დელეგატებსა და სტუდენტებს ახალგაზრდული პოლიტიკის მიმართულებით სიახლეები გააცნო და წარმატებები უსურვა. ➡ აღნიშნული ღონისძიება, 21 თებერვალს, საქართველოს ცენტრალური და ადგილობრივი ხელისუფლების პირველმა პირებმა, ასევე ფორუმის მხარდამჭერი ორგანიზაციების წარმომადგენლებმა გახსნეს. მათ დამსწრე საზოგადოებას სიტყვით მიმართეს, დელეგატებსა და სტუდენტებს წარმატებები უსურვეს და აღნიშნეს, რომ ანალოგიური ღონისძიებები კიდევ უფრო შეუწყობს ხელს ახალგაზრდობის პოლიტიკის განვითარებას. ➡ ახალგაზრდული ფორუმი, 2018 წლის 12 თებერვალს, თბილისში დაფუძნდა და მუნიციპალიტეტებს შორის ურთიერთთანამშრომლობის გაძლიერებას, ახალგაზრდებსა და ადგილობრივ ხელისუფლებას შორის კომუნიკაციის გაუმჯობესებასა და ახალგაზრდული პოლიტიკის განხორციელების ხელშეწყობას ისახავს მიზნად. ➡ ორდღიან ღონისძიებაში, 64 მუნიციპალიტეტის საკრებულოს ახალგაზრდა წევრებმა და სტუდენტური თვითმმართველობების პრეზიდენტებმა მიიღეს მონაწილეობა. მათ შორის იყო თბილისის ჰუმანიტარული სასწავლო უნივერსიტეტის თვითმმართველობის პრეზიდენტი გიგა ზოიძე.

 
ახალგაზრდული ფორუმი - ადგილობრივი თვითმმართველობა სტუდენტებისთვის

ახალგაზრდული ფორუმი - ადგილობრივი თვითმმართველობა სტუდენტებისთვის

➡ ქალაქ ბათუმში ახალგაზრდული ფორუმის, "ადგილობრივი თვითმმართველობა სტუდენტებისთვის", ფარგლებში თბილისის ჰუმანიტარული სასწავლო უნივერსიტეტის თვითმმართველობის პრეზიდენტმა და სამუშაო გუნდმა წარადგინეს გუნდის მიერ მომზადებული საპროექტო იდეა, რომელმაც გაიმარჯვა დანარჩენ 6 პროექტს შორის… ➡ მასთანავე, მიიღეს რეზოლუცია, სადაც წარადგინეს სახელმწიფო უნივერსიტეტებში სტუდენტური საცხოვრებლების გაკეთების თაობაზე, რომელსაც მხარი დაუჭირეს ფორუმში მონაწილე 64-ივე მუნიციპალიტეტის წარმომადგენლებმა და სტუდენტური თვითმმართველობების პრეზიდენტებმა. რეზოლუციაში შეიტანეს კიდევ რამდენიმე მნიშვნელოვანი საკითხი, რაც არის კიდევ ერთი წინგადადგმული ნაბიჯი ახალგაზრდების განვითარებისთვის. #ახალგაზრდულიფორუმი #ახალიიდეები #ერთად #შევქმნათ #მეტი #ღირებულება

 
თბილისის ჰუმანიტარულ სასწავლო უნივერსიტეტსა და კარიერის დაგეგმვის ცენტრის შორის გაფორმდა ურთიერთთანამშრომლობის მემორანდუმი

თბილისის ჰუმანიტარულ სასწავლო უნივერსიტეტსა და კარიერის დაგეგმვის ცენტრის შორის გაფორმდა ურთიერთთანამშრომლობის მემორანდუმი

თბილისის ჰუმანიტარულ სასწავლო უნივერსიტეტსა და კარიერის დაგეგმვის ცენტრის შორის გაფორმდა ურთიერთთანამშრომლობის მემორანდუმი. მემორანდუმს ხელი მოაწერეს თჰუს რექტორმა ქალბატონმა ვალენტინა საყვარელიძემ და კარიერის დაგეგმვის ცენტრის დირექტორმა ქ-მა მერი ტარიელაშვილმა. ურთიერთთანამშრომლობაში გათვალისწინებულია: პრაქტიკული განათლების მნიშვნელობა სტუდენტთა და კურსდამთავრებულთა დაოსტატებისა და განვითარების საქმეში; პროფესიული ორიენტაციის განვითარებაში ხელის შეწყობა; კარიერული განვითარებისთვის შესაბამისი სერვისების მიწოდება; შესაბამის პროექტებში და ტრენინგებში მონაწილეობის მიღება.

 
კარიერული განვითარებისა და გლობალური დასაქმების ფორუმი სასტუმრო ბილტმორ თბილისში

კარიერული განვითარებისა და გლობალური დასაქმების ფორუმი სასტუმრო ბილტმორ თბილისში

2019 წლის 19 ნოემბერს კარიერული განვითარების ცენტრის ორგანიზებით სასტუმრო "ბილტმორ თბილისში" პირველად ჩატარდა "კარიერული განვითარებისა და გლობალური დასაქმების ფორუმი". აღნიშნულ ღონისძიებაში საქართველოს 15 წამყვან უნივერსიტეტს შორის მონაწილეობდა თბილისის ჰუმანიტარული სასწავლო უნივერსიტეტიც.

 
კურსდამთავრებულთა გამოსაშვები საღამო 2019

კურსდამთავრებულთა გამოსაშვები საღამო 2019

2019 წლის 28 ივნისს თბილისის ჰუმანიტარულ სასწავლო უნივერსიტეტში გაიმართა კურსდამთავრებულთა გამოსაშვები საღამო. ღონისძიებას სტუდენტებთან ერთად ესწრებოდნენ კურსდამთავრებულთა მშობლებიც. სტუდენტებს სწავლის დასრულება მიულოცეს უნივერსიტეტის ადმინისტრაციის წარმომადგენლებმა. ღონისძიების ოფიციალური ნაწილი ტრადიციული ქუდების აყრით დამთავრდა, გადაიღეს სამახსოვრო ფოტოები, სასიამოვნო მუსიკალური პროგრამის თანხლებით. დამსწრე საზოგადოებისათვის დღე ემოციურად და შთამბეჭდავად დასრულდა. სრული ფოტომასალა შეგიძლიათ იხილოთ ლინკზე: https://drive.google.com/open?id=1sZm7v1IJ7oTTGZJ-uLB0OhYbc1YPZdSj

 
 საბაკალავრო ნაშრომების დაცვა სამართლის ფაკულტეტზე

საბაკალავრო ნაშრომების დაცვა სამართლის ფაკულტეტზე

2019 წლის 6 ივლისს თბილისის ჰუმანიტარული სასწავლო უნივერსიტეტის სამართლის ფაკულტეტზე შედგა საბაკალავრო ნაშრომების დაცვა. დასასრულს, ფაკულტეტის დეკანმა კურსდამთავრებულებს მიულოცა სწავლის დასრულება და სამართლის ბაკალავრის ხარისხის მინიჭება.

 
ტრენინგი: მედიცინის როლი ჩვენს ცხოვრებაში

ტრენინგი: მედიცინის როლი ჩვენს ცხოვრებაში

2019 წლის 24 ივნისს თბილისის ჰუმანიტარული სასწავლო უნივერსიტეტის სტუდენტთა მხარდაჭერისა და კარიერული განვითარების სამსახურისა და თბილისის ჰუმანიტარული სასწავლო უნივერსიტეტის ჯანდაცვის ფაკულტეტის ორგანიზებით ჩატარდა ტრენინგი თემაზე: „მედიცინის როლი ჩვენს ცხოვრებაში". შეხვედრას უძღვებოდა „მაღალი სამედიცინო ტექნოლოგიების, საუნივერსიტეტო კლინიკის“ ექიმი ნეიროქირურგი ალექსანდრე შულაია.

 
ტრენინგი: ფსიქოლოგიის როლი კარიერულ განვითარებაში

ტრენინგი: ფსიქოლოგიის როლი კარიერულ განვითარებაში

2019 წლის 14 ივნისს 2 საათზე თბილისის ჰუმანიტარული სასწავლო უნივერსიტეტის სტუდენტთა მხარდაჭერისა და კარიერული განვითარების სამსახურისა და თბილისის ჰუმანიტარული სასწავლო უნივერსიტეტის ბიბლიოთეკის ორგანიზებით ჩატარდა ტრენინგი თემაზე: "ფსიქოლოგიის როლი კარიერულ განვითარებაში". შეხვედრას უძღვებოდა „კარიერის დაგეგმვის ცენტრის“ ფსიქოლოგი, კარიერის მენეჯმენტის სპეციალისტი - მერი ტარიელაშვილი.

 
საინტერესო შეხვედრა თბილისის ჰუმანიტარულ სასწავლო უნივერსიტეტში!

საინტერესო შეხვედრა თბილისის ჰუმანიტარულ სასწავლო უნივერსიტეტში!

2019 წლის 14 ივნისს 2 საათზე თბილისის ჰუმანიტარულ სასწავლო უნივერსიტეტს ეწვევიან „კარიერის დაგეგმვის ცენტრის“ მაღალკვალიფიციური სპეციალისტები. შეხვედრას გაუძღვება ფსიქოლოგი, კარიერის მენეჯმენტის სპეციალისტი მერი ტარიელაშვილი.

1 2
 
სასარგებლო ბმულები