2019 წლის 26 დეკემბერს თჰუ-ს ბიბლიოთეკას ესტუმრნენ საქართველოს პარლამენტის ეროვნული ბიბლიოთეკის, მეცნიერების, კულტურისა და სამოქალაქო განათლების დეპარტამენტის გამომცემლობის განყოფილების წარმომადგენლები, რომელთაც თჰუ-ს უნივერსიტეტის ბიბლიოთეკას საჩუქრად გადასცეს 2019 წლის ახალი გამოცემები. თბილისის ჰუმანიტარული სასწავლო უნივერსიტეტი მადლობას უხდის ეროვნული ბიბლიოთეკის, მეცნიერების, კულტურისა და სამოქალაქო განათლების დეპარტამენტის დირექტორს ბ-ნ ემზარ ჯგერენაიას, გამომცემლობის განყოფილების უფროსს ქ-ნ ლილი საყვარელიძეს და განყოფილების მეცნიერ თანამშრომელს ქ-ნ თეა შუბითძეს ამ ძვირფასი საჩუქრისთვის.

2019 წლის 20 დეკემბერს თბილისის ჰუმანიტარული სასწავლო უნივერსიტეტის ჯანდაცვის ფაკულტეტისა და კვლევებისა და განვითარების ცენტრის ორგანიზებით ჩატარდა სტუდენტური კონფერენცია. მომხსენებლებს გადაეცათ სერთიფიკატები.

2019 წლის 14 დეკემბერს, თჰუ ჰუმანიტარული ფაკულტეტისა და სკოლა „ინტელექტ- პლუსის“ ორგანიზებით გაიმართა ინკლუზიური სწავლების ახალ მეთოდებსა და სწავლებაზე ორიენტირებული ტრენინგ-სემინარი. ტრენინგ-სემინარს უძღვებოდნენ ფაკულტეტის დეკანი, დოქტორი,პროფესორი ქ-ნი ირმა ბარბაქაძე და ფსიქოლოგიის პროგრმის ხელმძღვანელი, დოქტორი, პროფესორი ქ-ნი რუსუდან ესებუა. მოწვეული სტუმრების ჯგუფს ხელმძღვანელობდა სკოლა „ინტელექტ-პლუსის“ დირექტორის მოადგილე, ფსიქოლოგი, ქ-ნი ინგა გუზიტაშვილი. ტრენინგს ესწრებოდნენ ფაკულტეტის ფსიქოლოგიის პროგრამის სტუდენტები,რომელთაც აქტიური მონაწილეობა მიიღეს ტრენინგის პრაქტიკული ნაწილის ორგანიზებასა და თამაშებში.

ეკონომიკის, ბიზნესისა და მართვის ფაკულტეტის დეკანმა, პროფ. ნონა გელიტაშვილმა მოიპოვა გერმანიის აკადემიური გაცვლის სამსახურის - DAAD-ის ფონდის კვლევითი გრანტი უნივერსიტეტის აკადემიური პერსონალისა და მეცნიერებისთვის (DAAD Research grant for University Academics and Scientists). ეს მისთვის რიგით მეოთხე კვლევითი გრანტია უკანასკნელი 10 წლის განმავლობაში. კვლევის თემატიკა შეეხება საქართველოდან ევროკავშირის შიდა ბაზარზე შრომითი მიგრაციის საკითხებს. აღნიშნული კვლევითი პროექტის განხორციელება პროფ. ნონა გელიტაშვილმა 2 წლის წინ მის გერმანელ კოლეგასთან - პროფ. დანიელ ბეკერთან ერთად დაიწყო, რომელიც მიმდინარე გრანტის ფარგლებში 2020 წლის ზაფხულში უნდა დასრულდეს. კვლევის განხორციელება დაგეგმილია ვიადრინას ევროპულ უნივერსიტეტში (Europa-Universität Viadrina), საერთაშორისო ეკონომიკური ურთიერთობების კათედრაზე, სადაც 2 თვით გამოყოფილია სამუშაო ადგილი პროფ. ნონა გელიტაშვილისთვის.

თბილისის ჰუმანიტარული სასწავლო უნივერსიტეტის სტუდენტური კონფერენცია

პარასკევს 13 დეკემბერს 14 საათზე თბილისის ჰუმანიტარულ სასწავლო უნივერსიტეტში სამართლის ფაკულტეტის ორგანიზებით ჩატარდა ტრენინგი თემაზე,- "ხელისუფლების საქმიანობის მონიტორინგის მეთოდები და მექანიზმები". ტრენინგს უძღვებოდნენ ინფორმაციის თავისუფლების განვითარების ინსტიტუტის წარმომადგენლები. მიღებული ინფორმაცია სტუდენტებს შესაძლებლობას მისცემს გაიღრმავონ ხელისუფლების საქმიანობის კონტროლისა და საჯარო სექტორში შესაძლო გადაცდომების აღმოჩენის/რეაგირების უნარ-ჩვევები. შეხვედრაზე განიხილეს თემები: · როგორ აღმოვაჩინოთ საეჭვო გარემოებები საჯარო შესყიდვებში · როგორ დავაკვირდეთ ხელისუფლების მიერ ბიუჯეტის განკარგვას და მის ფინანსურ საქმიანობას · როგორ მოვიპოვოთ ოფიციალური მონაცემები სხვადასხვა სახელმწიფო პლატფორმიდან · როგორ მოვითხოვოთ მთავრობაზე ზედამხედველობისთვის საჭირო საჯარო ინფორმაცია

თბილისის ჰუმანიტარული სასწავლო უნივერსიტეტი გილოცავთ დამდეგ შობა-ახალ წელს და გეპატიჟებათ სადღესასწულო საღამოზე, რომელიც ჩატარდება 24 დეკემბერს 22:00 საათზე კლუბ Dejavu-ში. ღონისძიების ფარგლებში იქნება სხვადასხვა სახის გასართობი აქტივობები და ფურშეტი. მისამართი: თბილისი, მერაბ კოსტავას გამზირი 36 (ფილარმონიის ქვემოთ), დასაწყისი 22:00. დაინტერესებულმა პირებმა მიმართეთ სტუდენტურ თვითმმართველობას ან ჰუმანიტარული ფაკულტეტის დეკანატს (მე-5 კაბინეტი).

პარასკევს 13 დეკემბერს 14 საათზე საკონფერენციო დარბაზში ინფორმაციის თავისუფლების განვითარების ინსტიტუტის წარმოამდგენლები ჩაატარებენ ტრენინგს "ხელისუფლების საქმიანობის მონიტორინგის მეთოდები და მექანიზმები". მიღებული ინფორმაცია საშუალებას მისცემს სტუდენტებს გაიღრმავონ ხელისუფლების საქმიანობის კონტროლისა და საჯარო სექტორში შესაძლო გადაცდომების აღმოჩენის/რეაგირების უნარ-ჩვევები. შეხვედრაზე განსახილველი თემებია: · როგორ აღმოვაჩინოთ საეჭვო გარემოებები საჯარო შესყიდვებში? · როგორ დავაკვირდეთ ხელისუფლების მიერ ბიუჯეტის განკარგვას და მის ფინანსურ საქმიანობას? · როგორ მოვიპოვოთ ოფიციალური მონაცემები სხვადასხვა სახელმწიფო პლატფორმიდან? · როგორ მოვითხოვოთ მთავრობაზე ზედამხედველობისთვის საჭირო საჯარო ინფორმაცია?

27 დეკემბერს, ივ.ჯავახიშვილის სახელობის თბილისის სახელმწიფო უნივერსიტეტში, გაიმართება კონფერენცია სახელწოდებით - „I სტუდენტური კონფერენცია ნეირომეცნიერებებში“, რომელიც ეძღვნება ქართული ფიზიოლოგიური სკოლის ფუძემდებლის, ივანე ბერიტაშვილის მიერ, თსუ-ში პირველი ლაბორატორიის დაარსებიდან 100 წლის იუბილეს და მის 135 წლის იუბილეს. კონფერენციაში მონაწილეთა გამორჩეული ნაშრომები, რომლებიც შეფასდება კომპეტენტური ჟიურის მიერ, დაიბეჭდება ივ. ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტისა და საქართველოს ექიმთა ასოციაციის საერთო ჟურნალში „Translational and Clinical Medicine – Georgian Medical Journal”.