2024 წლის 12 ივნისს გაიმართება საჯარო ლექცია თემაზე: „პერსონალური მონაცემების დაცვა საჯარო სამსახურში“
თბილისის ჰუმანიტარულ სასწავლო უნივერსიტეტში 2024 წლის 12 ივნისს 12:00 საათზე გაიმართება საქართველოს ფინანსთა სამინისტროს იურიდიული დეპარტამენტის უფროსი სპეციალისტის, ივანე ჯავახიშვილის სახელობის თბილისის სახელმწიფო უნივერსიტეტის დოქტორანტის თამთა კიკოლაშვილის საჯარო ლექცია თემაზე: „პერსონალური მონაცემების დაცვა საჯარო სამსახურში“.
როგორც ცნობილია, მიმდინარე წლის 1 მარტიდან ამოქმედდა „პეროსონალურ მონაცემთა დაცვის შესახებ“ საქართველოს ახალი კანონი, რომელიც შესაბამისობაშია ევროკავშირის მონაცემთა დაცვის ზოგად რეგულაციასთან (GDPR). ახალმა კანონმა ისეთი სიახლეები დანერგა როგორიცაა - პერსონალურ მონაცემთა დაცვის ოფიცერი, ინციდენტის შესახებ შეტყობინების ვალდებულება, მონაცემთა უსაფრთხოების ახალი სტანდარტები, მონაცემთა დაცვაზე ზეგავლენის შეფასება და სხვა. ახალი კანონის იმპლემენტაციის გზაზე არაერთი გამოწვევის წინაშე დგას როგორც კერძო, ისე - საჯარო სექტორი. საჯარო ლექციაზე მიმოხილულ იქნება ის ძირითადი სიახლეები, რაც შემოგვთავაზა „პეროსონალურ მონაცემთა დაცვის შესახებ“ ახალმა კანონმა და განხილულ იქნება სიახლეების იმპლემენტაციის პროცესი საჯარო სამსახურში.
მსგავსი განცხადებები
V საერთაშორისო სამეცნიერო-პრაქტიკული ინტერდისციპლინური კონფერენცია, 2 ნოემბერი 2024 წელი (შეხსენება)
შეგახსენებთ, რომ 2024 წლის 2 ნოემბერს თბილისის ჰუმანიტარულ სასწავლო უნივერსიტეტში ჩატარდება V საერთაშორისო სამეცნიერო-პრაქტიკული ინტერდისციპლინური კონფერენცია....
ვრცლადორდღიანი ტრენინგი ჯანდაცვის ფაკულტეტის აკადემიური და მოწვეული პერსონალისთვის!
„სწავლების თანამედროვე მეთოდები სამედიცინო განათლებაში“ „შეფასების თანამედროვე მეთოდები სამედიცინო განათლებაში“...
ვრცლად