
წარმატებული პროექტი “ახალგაზრდები ლტოლვილთა და იძულებით გადაადგილებულ პირთა გაძლიერებისთვის”
2023 წლის 16 ივლისს, თბილისის ჰუმანიტარულ უნივერსიტეტში, პროექტის “ახალგაზრდები ლტოლვილთა და იძულებით გადაადგილებულ პირთა გაძლიერებისთვის” შემაჯამებელი კონფერენცია გაიმართა.
კონფერენიციის მონაწილეთა შორის იყვნენ ანალიტიკური სტატიების კონკურსში შერჩეული ნაშრომების ავტორები და ლტოლვილთა და იძულებით გადაადგილებულ პირთა საკითხებზე მომუშავე ორგანიზაციების წევრები.
კონფერენციის თემატიკა მრავალფეროვნებით გამოირჩეოდა, სადაც განიხილეს შემდეგი საკითხები: სამართლიანი სასამართლოს უფლების დაცვა თაშესაფრის მაძიებელთა სტატუსის განსაზღვრის საქმეებზე საქართველოში: არსებული პრაქტიკის ანალიზი და რეკომენდაციები; განათლების უფლების რეალიზება იძულებით გადაადგილებულ პირთა და ლტოლვილთათვის (გამოწვევები და რეკომენდაციები); მუსლიმი მესხები - სამშობლოს გარეშე დარჩენილი ადამიანების ინტეგრაციასა და რეპატრიაციასთან დაკავშირებული გამოწვევები; ლტოლვილთა ინტეგრაციის ხელშეწყობა ქართულ საზოგადოებაში; საქართველოს ტერიტორიაზე კონფლიქტების შედეგად იძულებით გადაადგილებული პირების წინაშე არსებული გამოწვევები საცხოვრებლის ჭრილში და ქალთა მიმართ ძალადობა, როგორც გენდერული დევნა ლტოლვილთა საერთაშორისო სამართალში.
კონფერენციაზე მოხსენებებით წარსდგნენ საქართველოში უკრაინელი ლტოლვილების ჰუმანიტარული საჭიროებების მხარდაჭერის CARE Caucasus-ის პროგრამის ასისტენტი, ოლჰა ჟაკუნეთსი და საქართველოში ლტოლვილთა მიერ დაარსებული პირველი ორგანიზაციის, მრავალფეროვნების ექოს წარმომადგენელი, აჰმედ აქილმი.
დასასრულს, კომპეტენტურმა ჟიურიმ გამოავლინა კონკურსის გამარჯვებულები თამარ მაზანაშვილი და ნინო ჭედია. ტრენინგ-კურსისა და კონფერენციის სხვა მონაწილეებს კი გადაეცათ სერტიფიკატები.
პროექტი “ახალგაზრდები ლტოლვილთა და იძულებით გადაადგილებულ პირთა გაძლიერებისთვის” კავკასიური სახლისა და საერთაშორისო არასამთავრობო ორგანიზაციის “International Alert”-ისა და USAID-ის ფინანსური მხარდაჭერით განხორციელდა.
მსგავსი სიახლეები
აკადემიური თანამდებობების დასაკავებლად გამოცხადებული ღია კონკურსის შედეგები
შპს "თბილისის ჰუმანიტარული სასწავლო უნივერსიტეტის" მიერ ვაკანტური აკადემიური თანამდებობების დასაკავებლად გამოცხადებული ღია კო...
ვრცლად28 მაისს 19:00 საათზე გაიმართება ვებინარი თემაზე - 1918 წლის 26 მაისი: საქართველოს სახელმწიფოებრივი დამოუკიდებლობის გამოცხადება
გაცნობებთ, რომ ,,სამოქალაქო განათლების ცენტრისა“ და თბილისის ჰუმანიტარული სასწავლო უნივერსიტეტის სამართლის ფაკულტეტის ორგანიზე...
ვრცლადვებინარი: „ალტერნატიული განათლების გზები და ევროპული გამოცდილება“.
თბილისის ჰუმანიტარული სასწავლო უნივერსიტეტი და ProActive Group Georgia გიწვევთ ეკონომიკის, ბიზნესისა და მართვის ფაკულტეტის მიერ ორგანიზებულ ვებინარზე: „ალტერნატი...
ვრცლად