
თბილისის ჰუმანიტარული სასწავლო უნივერსიტეტი დარეგისტრირდა გერმანიის საგარეო საქმეთა სამინისტროს ცენტრალური ოფისის Anabin მონაცემთა ბაზაში
თბილისის ჰუმანიტარული სასწავლო უნივერსიტეტი დარეგისტრირდა გერმანიის საგარეო საქმეთა სამინისტროს ცენტრალური ოფისის Anabin მონაცემთა ბაზაში. აღნიშნული ბაზა იძლევა ინფორმაციას უცხოური საგანმანათლებლო სივრციდან და ხელს უწყობს საჯარო დაწესებულებებს, დამსაქმებლებსა და კერძო პირებს, გერმანიისა და ევროპის სხვა ქვეყნების განათლების სისტემაში უცხოური კვალიფიკაციის აღიარებაში.
Anabin ბაზაში უნივერსიტეტის დარეგისტრირება სხვადასხვა მიზეზმა განაპირობა. პირველ რიგში, ეს არის თბილისის ჰუმანიტარული სასწავლო უნივერსიტეტის კურსდამთავრებულთათვის კვალიფიკაციის აღიარება და ევროპის უნივერსიტეტებში სწავლის გაგრძელების უფლება, რაც უპრობლემოდ იქნება შესაძლებელი აღნიშნულ ბაზაში ჩართვის შემდეგ. გარდა ამისა, შესაძლებელი გახდება ჩვენი სტუდენტების ჩართვა გერმანიის სტუდენტური დასაქმების საზაფხულო პროგრამაში (Ferienjob), ხოლო - ეკონომიკისა და ბიზნესის პროგრამების სტუდენტებისთვის - 1 წლიანი ანაზღაურებადი პრაქტიკის გავლა.
Anabin მონაცემთა ბაზაში ჩართვისათვის აუცილებელი იყო გარკვეული პროცედურების გავლა, ამიტომ ამ საკითხზე მუშაობა დაიწყო ეკონომიკის, ბიზნესისა და მართვის ფაკულტეტმა, უნივერსიტეტის საერთაშორისო ურთიერთობების სამსახურთან ერთად. ერთი წლის განმავლობაში განხორციელდა ყველა აუცილებელი ეტაპი და თბილისის ჰუმანიტარულმა სასწავლო უნივერსიტეტმა, როგორც ავტორიზებულმა და აკრედიტებული პროგრამების მქონე უნივერსიტეტმა, დააკმაყოფილა არსებული მოთხოვნები.
დასკვნით ეტაპზე რეგისტრაციის დამამთავრებელი ფაზა წარმატებით დასრულდა და უნივერსიტეტის მონაცემები აისახა გერმანიის საგარეო საქმეთა სამინისტროს ცენტრალური ოფისის Anabin მონაცემთა ბაზაში.
მსგავსი სიახლეები
ეკონომიკის, ბიზნესისა და მართვის ფაკულტეტის თანამშრომლების მონაწილეობა საერთაშორისო სამეცნიერო კონფერენციაში
2019 წლის 22-24 თებერვალს, ეკონომიკის კვლევისა და განვითარების ინსტიტუტის ორგანიზებით, ქალაქ ბაქოში (აზერბ...
ვრცლადსტუდენტური მხარდაჭერისა და კარიერული განვითარების სამსახურის შეხვედრა სტუდენტებთან
2019 წლის 21 მარტს 15:00 სთ-ზე თბილისის ჰუმანიტარულ სასწავლო უნივერსიტეტში სტუდენტური მხარდაჭერისა დ...
ვრცლადსაჯარო ლექცია - „რეგულაციები, რომლებიც აფერხებენ ქვეყნის დემოკრატიულ განვითარებას“
2020 წლის პირველ ივნისს 16:00 სთ-ზე თბილისის ჰუმანიტარული სასწავლო უნივერ...
ვრცლად