
მივლინება საფრანგეთში
მიმდინარე წლის 27 ივნისს, საფრანგეთში, ქალაქ სტრასბურგში საქართველოს ადვოკატები დამოუკიდებელი პროფესიისათვის გამგეობის წევრი და თბილისის ჰუმანიტარული სასწავლო უნივერსიტეტის ხარისხის უზრუნველყოფის სამსახურის უფროსი, მოწვეული პერსონალი ნათია ქაჯაია უნივერსიტეტის დაფინანსებით სასწავლო ვიზიტით იმყოფებოდა ევროპის საბჭოსა და ევროპის პარლამენტში.
სასწავლო ვიზიტის ფარგლებში მონაწილეები გაეცნენ ევროპის საბჭოს ფორმირების წესს, საქმიანობის სპეციფიკას, მუშაობის პრინციპებსა და მნიშვნელობას. შეხვედრაზე განხილულ იქნა სტრასბურგის ადამიანის უფლებათა ევროპული სასამართლოს გადაწყვეტილების აღსრულების წესი და პროცედურები, აღსრულების პროცესში ადვოკატის ჩართულობის მნიშვნელობა და აღსრულების პროცესის ზედამხედველობის მექანიზმები. ადამიანის უფლებათა ევროპულ სასამართლოში ვიზიტის მონაწილეებისათვის გაიმართა სამუშაო შეხვედრა სასამართლოს HUDOC-ის პროგრამის მუშაობის სპეციფიკისა და წესის შესახებ. სასწავლო ვიზიტის ფარგლებში მონაწილეები ესტუმრნენ ევროპის პარლამენტს. შეხვედრისას განხილული საკითხები ეხებოდა პარლამენტის წევრების არჩევის წესს, საქმიანობის პრინციპებს, სპეციფიკას და მუშაობის წესს.
სასწავლო ვიზიტის მონაწილე იურისტები შეხვდნენ ადამიანის უფლებათა ევროპული სასამართლოს მოსამართლეს, ბატონ ლადო ჭანტურიას. შეხვედრაზე განხილულ იქნა სტრასბურგის ადამიანის უფლებათა ევროპული სასამართლოს უახლესი პრაქტიკა, ბოლო წლებში ამავე სასამართლოს მიერ მიღებული მნიშვნელოვანი და პრეცედენტული გადაწყვეტილებები. შეხვედრაზე საუბარი იყო აგრეთვე ადამიანის უფლებათა ევროპულ სასამართლოში საჩივრის შეტანის პროცედურებზე, ვადებზე, ეტაპებზე, წესებსა და საჩივრის შევსების თავისებურებებზე.
მსგავსი სიახლეები
ტრენინგი - როგორ მოვამზადოთ საგანმანათლებლო პროგრამები აკრედიტაციისთვის
2021 წლის 13 ივნისს, თბილისის ჰუმანიტარული სასწავლო უნივერსიტეტის აფილირებულმა პროფესორმა ირინე არჯევანიძემ და ასოცირებულმა პრ...
ვრცლადტურიზმისა და ფსიქოლოგიის საბაკალავრო პროგრამები დამტკიცებულია!
სსიპ განათლების ხარისხის განვითარების ეროვნულმა ცენტრმა თჰუ-ს მიერ წარდგენილი ტურიზმისა და ფსიქოლოგიის საბ...
ვრცლადსაგანმანათლებლო პროექტი - უწყვეტი განათლება
საჯარო ლექციათა ციკლი - „სამართალი და კანონმდებლობა“ (II...
ვრცლად