ეკონომიკის, ბიზნესისა და მართვის ფაკულტეტის დეკანის - პროფ. დოქტ. ნონა გელიტაშვილის და მოწვეული ლექტორის - სოფიკო ჯვარშეიშვილის წარმატებული მონაწილეობა საერთაშორისო კონფერენციაში 13.06.2021

ეკონომიკის, ბიზნესისა და მართვის ფაკულტეტის დეკანის - პროფ. დოქტ. ნონა გელიტაშვილის და მოწვეული ლექტორის - სოფიკო ჯვარშეიშვილის წარმატებული მონაწილეობა საერთაშორისო კონფერენციაში

2021 წლის 10-11 ივნისს ჩატარდა ეკონომიკისა და სოციალურ მეცნიერებათა მე -4 საერთაშორისო კონფერენცია (ICESS), თემაზე: "დიგიტალიზაციითა და დიდ მონაცემთა ანალიზით მიღწეული მდგრადობა და ეკონომიკური ინტელექტი", ორგანიზებული ბუქარესტის ეკონომიკური კვლევების უნივერსიტეტის მიერ (რუმინეთი).

ეკონომიკის, ბიზნესისა და მართვის ფაკულტეტის დეკანმა - პროფ. დოქტ. ნონა გელიტაშვილმა და მოწვეულმა ლექტორმა - სოფიკო ჯვარშეიშვილმა წარმატებით მიიღეს მონაწილეობა აღნიშნულ კონფერენციაში. მათი მოხსენების თემა იყო: ”პირდაპირი უცხოური ინვესტიციების როლი საქართველოს ეკონომიკაში: სტატისტიკური ანალიზი”

კონფერენცია გაიხსნა ხუთშაბათს, 10 ივნისს პლენარული სესიით. პარასკევს, 11 ივნისს, ეკონომიკური კვლევების უნივერსიტეტის ყველა ფაკულტეტის მიერ ორგანიზებულ პარალელურ სესიებზე წარმოდგენილი იყო 160-ზე მეტი სამეცნიერო ნაშრომი, 300-ზე მეტი მკვლევარისა და დოქტორანტის ავტორობით. პარალელურ რეჟიმში მიმდინარეობდა 12 სექციის მუშაობა. კონფერენციის ფარგლებში ასევე ჩატარდა 2 ვორკშოპი, სტრასბურგის ბიზნეს სკოლასთან თანამშრომლობით.

პროფ. ნონა გელიტაშვილისა და სოფიკო ჯვარშეიშვილის კონფერენციაში მონაწილეობა და სამეცნიერო სტატიის გამოქვეყნება დაფინანსდა თბილისის ჰუმანიტარული სასწავლო უნივერსიტეტის მიერ. მათი სტატია მალე გამოქვეყნდება კონფერენციის მასალებში, რომელიც განთავსდება სხვადასხვა სამეცნიერო ბაზაში.

https://icess.ase.ro/publication-opportunities/

მსგავსი სიახლეები

საჯარო ლექცია - ადამიანის უფლებები და მათი დაცვის მექანიზმები 17.01.2019

საჯარო ლექცია - ადამიანის უფლებები და მათი დაცვის მექანიზმები

2019 წლის 22 იანვარს 12 საათზე თბილისის ჰუმანიტარულ სასწავლო უნივერისტეტის საკონფერენციო დარბაზში გაიმართება საქართველოს სახალხო დამცველის...

ვრცლად
თბილისის ჰუმანიტარულ სასწავლო უნივერსიტეტსა და ინსუბრიის (იტალიის) უნივერსიტეტს შორის გაფორმდა ურთიერთთანამშრომლობის მემორანდუმი 06.10.2021

თბილისის ჰუმანიტარულ სასწავლო უნივერსიტეტსა და ინსუბრიის (იტალიის) უნივერსიტეტს შორის გაფორმდა ურთიერთთანამშრომლობის მემორანდუმი

თბილისის ჰუმანიტარულ სასწავლო უნივერსიტეტსა და ინსუბრიის (იტალიის) უნივერსიტეტს შორის გაფორმდა ურთიერთთანამშრომლობის მემორანდუმი, რომელიც...

ვრცლად
კონკურსი აკადემიური თანამდებობების დასაკავებლად! 02.11.2020

კონკურსი აკადემიური თანამდებობების დასაკავებლად!

შპს „თბილისის ჰუმანიტარული სასწავლო უნივერსიტეტი“ (შემდგომში - თჰუ)

ვრცლად